Parte-hartze prozesuaren oinarrizko datuak
Nori zuzendua
Tolosako herritarrei
Antolatzailea
Tolosako Udala. Gobernantza
Aurreikusitako prozesuaren hasiera eta amaiera data.
2021/12/01 - 2027/12/31
Testuingurua
Parez pare ditugun erronkak konplexuak dira eta horiei irtenbideak aurkitzeko askotariko pertsonek elkarlanean aritu beharko gara.
Tolosako errolda baliatuz, Tolosan bizi diren herritar guztien artean udalak zozketa bat egin du eta 2400 pertsona hautatu ditu. Beraien etxebizitzetara Tolosako Herritarren Batzarrean parte hartzeko gonbidapena bidali die. Gonbidapen eskutitza soilik jaso baduzu edukiko duzu aukera beheko estekan aurkituko duzun formularioa beteta izena emateko:
Izena eman (epez kanpo)
Gehiago jakin nahi duzu Tolosako herritarren batzarrean inguruan? ZER da Tolosako Herritarren Batzarra? Covid19 pandemiak agerian utzi du komunitate kohesionatu eta indartsu bat izatearen garrantzia eta beharra eta zenbat eta lotura eta harreman gehiago pertsonen artean orduan eta osasuntsuagoa dela komunitatea.
Zentzu horretan, tolosarren osasun eta ongizate emozionala udalerri gisa dugun erronka sozial kolektiboetako bat da; erantzun kolektiboa eskatzen duena, duen dimentsioagatik eta konplexutasunagatik.
Isolamendua, depresioa, antsietatea eta bakardadea bezalako errealitateak eta arazoak, besteak beste, gure inguruko adin guztietako pertsonengan ematen dira, eta nabarmenagoak egin dira oso denbora laburrean.
Gainera, luzaroan, arazo hauen aurrean estereotipoak eta estigmak sortu izan dira, hainbat eremutatik aurre egiten saiatu garenak. Tolosako Udalak hainbat prebentzio-proiektu gauzatu ditu osasun emozional komunitarioa zaintzen laguntzeko. Aldi berean, Tolosako komunitatea osasun-arazoei eta ongizate emozionalari aurre egiteko laguntza-sareak sortzen saiatu da. Baina ekimen horiek guztiak ez dira nahikoak izan.
Estigmak hausteko eta elkarrekin lan egiteko garaia da, gizarte gisa dugun erronka honi erantzun kolektiboak bilatzeko.
Zer egin dezake Tolosako Udalak lankidetza publiko-komunitarioaren bidetik, guztion osasuna eta ongizate emozionala hobetuko duen Tolosa lortzeko?
ZERGATIK Tolosako Herritarren Batzarra? Parez pare ditugun erronkak konplexuak dira eta horiei irtenbideak aurkitzeko askotariko pertsonek elkarlanean aritu beharko gara. Tolosako gizartean bizi ditugun erronka horien artean ongizate eta osasun emozionala da etengabe goranzko joeran ikusten ari garena; eta ez gara gai izaten ari horri aurre egiteko irtenbideak proposatzen. Horregatik proposatzen dugu herritarrak eta gaian adituek erronka aztertzea eta gomendioak proposatzea.
Tolosako Herritarren Batzarrak aukera emango du:
Herritarren gomendio informatuak txertatzea udal-araudia lantzerakoan;
Herritarrek ekintza posibleak nola lehenesten dituzten ulertzea;
Gizarte-ekintzaren legitimitatea handitzea aztergai dugun eremuan;
Interes-taldeen inpaktuak agerian uztea;
Blokeo politikoei aurre egitea;
Gobernantzan, herritarrek parte hartzeko konpromisoa betetzea ongizate emozionalari aurre egitean.
NORK sustatzen du Tolosako Herritarren Batzarra? Herritarren batzarra deitzen duen erakundea : Tolosako Udala.
Herritarren Batzarraren erakunde komanditarioa daEragile sustatzailea: Arantzazulab
Aholkularitza independentea: ELGA / OCDE
ELGA lantaldea egitasmoaren diseinu fase guztietan parte hartzen du, proiektu taldearekin eta inplementazioan izango diren erakundeekin elkarlanean, xedea izanik diseinu deliberatibo onaren printzipioak betetzea. Inplementazioa maila lokalean eta euskaraz egiten ari garenez, inplementazioa erakunde lokalek egingo dute, eta ELGA taldeak sortzen diren galderak erantzunez laguntza emango du prozesu osoan zehar.
Zer eta nola egingo dugu
Herrritarren Batzarra inplementatzeko hainbat batzorde eta lantalde sortu dira:
1. Jarraipen Batzordea: zeinetan alderdi politikoetako ordezkariak eta deliberazio-prozesuetan nazioarteko adituek parte hartzen dute. Helburua prozesuan aniztasun ideologikoa bermatzea da, baita askotariko ezagutza ere. Herritarren Batzarraren diseinua behatuko dute Tolosako herriaren interes eta beharrekin lotuta dagoela ziurtatzeko
Ikuskapen taldea aktibatu egingo da behar edo eskaera zehatzak sortu ezkero.
NOLA antolatzen da ? Beheko irudian jasotzen da Herritarren Batzarraren antolaera modu grafikoan:
Tolosako Herritarren Batzarraren egutegi orokorra hau da:
NOLA funtzionatzen du eta zein da marko orokorra? Tolsoako Herritarren Batzarraren markoa
Herritarren Batzarrek, Demokrazioa Deliberatiboaren markoari erantzuten diote. Herritarren Batzarra da deliberazio-prozesu ordezkatzaileak inplementatzeko modu bat.
Deliberazio-prozesu ordezkatzailea izeneko prozesuan zera egiten da: herritarren askotariko profilen adierazgarri den pertsona-talde batek informazioa aztertzen du, adostasuna bilatzeko deliberatu eta agintari publikoei zuzendutako gomendio zehatzak garatzen ditu. Prozesu hauek formatu desberdinak dituzte, besteak beste: herritarren batzarrak, epaimahaiak edo panelak.
Herritarren Batzarraren ezaugarri teknikoak
Orokorrean Herritarren Batzarretan honako urratsak jarraitzen dira:
Prozesuaren baldintzak
Zer eskatzen du Herritarren Batzarrean parte hartzeak? Parte hartzeak aukera ematen du ongizate eta osasun emozionalaren egoera bertatik bertara ezagutzeko eta Batzarreko gainerako kideekin eztabaidatzeko. Zu izango zara protagonistetako bat, aditu talde baten aholkularitzarekin, Tolosan arazo horri aurre egiteko moduari buruzko gomendioak landuko dituena. Horretarako, programatutako bileretara joan eta eztabaidan parte hartzeko erantzukizuna duzu.
ZOZKETAN tokatu zait Tolosako errolda baliatuz, Tolosan bizi diren herritar guztien artean udalak zozketa bat egin du eta 2400 pertsona hautatu ditu. Beraien etxebizitzetara Tolosako Herritarren Batzarrean parte hartzeko gonbidapena bidali die. Gonbidapen eskutitza soilik jaso baduzu edukiko duzu aukera beheko formularioa beteta izena emateko:
Eta nahiago baduzu, izena eman dezakezu telefono honetara deituz: 688 76 84 58.FAQ – Ohiko galderak
Zalantzarik izanez gero, jarri gurekin harremanetan lasai.
